Na ‘n volle twee jaar se navorsing, skryf van nuwe liedjies en eindelose opnames, het REA LE ROUX sopas haar tweede solo-album genaamd “Rowwe Diamant” vrygestel.

Rea het deur Suid-Afrika getoer en in haar wedervaringe al die gunsteling liedjies van haar gehore op hierdie album opgeneem.

Daarom het die album 15 liedjies wat strek van oorpsronklike Afrikaanse ballades tot baie moderne dans liedjies in Afrikaans sowel as Engels.

Sy deel haar meer ernstige kant met SA deur haar oorspronklike liedjies soos “Meisie met die kaalvoete”, en “Liefde wat aanhou brand”, maar wys dat sy nogsteeds die dinamiese blondine bly wat hou daarvan om ook net prêt te hê. Haar komiese kant kom sterk navore wanneer sy ‘n skreeusnaakse duet saam met Thys die Bosveldklong sing met die titel… “Opblaas Krokodil”

‘n Baie moderne en vars weergawe van “Blouberg se strand…” is met spesifieke redes op hierdie album opgedra aan Bill Flynn. Met haar nuwe album nooi sy haar luisteraars uit om saam met haar te lag, huil, dans, laf te wees en vanselfsprekend die lewe saam met haar te geniet. Hierdie album het ietsie vir almal, veral ‘n gehoor wat hou van lekker moderne dans klanke. Die album, daargestel onder die wakende oog van Ian Vos, het ‘n besliste klank wat getuig van die kunstenaar se bekwaamheid om met haar veelsydige stem uit te blink. Dit bewys die kunstenaar se fenominale groei die afgelope paar jaar in die Afrikaanse Musiek industrie. Die musiek video’s “Rowwe Diamant” en “Boeremeisies Rule” word al vir ‘n geruime tyd gebeeldsend op Kyknet, en is ‘n bewys van die kunstenaar se diversiteit. Sy kan sing, skryf, komponeer en kan enige gehoor vermaak met haar musiek, energie, en spontane verhoogpersoonlikheid.